सनी देओलका छोरा करणको डेब्यु फिल्म कस्तो रह्यो ?

एजेन्सी– बलिउड फिल्म ‘पल पल दिल के पास’बाट एक स्टार किडले फिल्म इन्डेस्ट्रीमा प्रवेश गरेका छन् । अभिनेता धमेन्द्र देओलको नाति र सनी देओलको छोरा करण देओलको पहिलो फिल्म आज असोज ३ गते देखि रिलिज भएको छ ।

यो फिल्म करणको लागि अग्नीपरीक्षा भन्दा कम छैन । यसै फिल्मबाट सहर बाम्बाले पनि डेब्यु गरेकी छिन् । फिल्मलाई समीक्षकले औसत २.५ स्टार रेटिंग दिएका छन् । तर, भिडियो भल्गर सहर र पर्वतारोही करणको प्रेम कहानीलाई युवापुस्ताले निकै रुचाईरहेका छन् । सनी देओलले निर्देशनमा तारिफ पाएका छन् । तर जुन उद्देश्यले फिल्म बनाइएको हो, त्यो पुरा हुन् सकेन । सनीले आफ्नो छोरालाई बलिउडमा स्थापित गर्नको लागि फिल्म बनाएका हुन् तर करणको अभिनयमा खासै दम नभएको भारतिय मिडियामा उल्लेख गरिएको छ ।

सनी देओलले निर्देशन गरेको फिल्ममा करण देओल, सहर बम्बा, सिमोन सिंह, सचिन खेडेकर लगायत कलाकारको अभिनय रहेको छ ।