‘रानुलाई ५५ लाखको घर किनिदिएको छैन’: सलमान
एजेन्सी – भारतको पश्चिम बंगालस्थित रानाघाट रेलवे स्टेशनमा लता मंगेशकरको ‘एक प्यार का नगमा है’ गीत गाएर भाइरल भएकी रानु मण्डल रातारात स्टार बनिन् । उनी यसरी भाइरल भइन्, उनको बारेमा सानो भन्दा सानो कुरा पनि हरेक व्यक्तिलाई चासोको विषय बनेको छ ।
उनको चर्चा चुलिदो क्रममै छ । यसै बिच सलमान खानले रानुलाई ५५ लाखको घर किनिदिएको खबर बाहिरिएको थियो । तर, सलमान खानले यो खबर झुटो रहेको बताए । उनले भने, ‘मेरो र रानुको बारेमा आएको सबै खबर झुटो हो । मैले उनलाई ५५ लाखको घर किनिदिएको छैन । न त मैले उनलाई गीत अफर गरेको छु । जब मैले केहि गरेको छैन भने त्यसको क्रेडिट लिन सक्दिन ।’
सलमान यतिबेला ‘दबंग ३’को छायांकनमा व्यस्त छन् । प्रभु देवाले निर्देशन गरेको फिल्ममा सलमानसँगै सोनाक्षी सिन्हा, अरबाज खान, साई मान्जरेकर लगायत कलाकारको अभिनय रहने छ । यो फिल्म २० डिसेम्बरमा हिन्दी, तमिल, तेलुगू र कन्नड भाषामा रिलिज हुँदैछ ।
