सलमानले फोटोग्राफरलाई भने, ‘मलाई ब्यान्ड गर्नुस्’
एजेन्सी – बलिउड सुपरस्टार सलमान खान रियालिटी टिभी शो ‘बिग बोस १३’ को लन्च कार्यक्रममा फोटोग्राफरसँग आक्रोश पोखेका छन् । मुम्बईमा भएको उक्त कार्यक्रममा मिडियाहरुको लामो भिड थियो । फोटोग्राफर्सले लगातार फोटो खिचिरहेका थिए । कार्यक्रम अगाडी बढाउन समेत मुश्किल भएको थियो ।
सलमानले आफुलाई ब्यान्ड गर्न आग्रह गरेको भिडियो सामाजिक सञ्जालमा भाइरल भइरहेको छ । उक्त भिडियोमा उनले भनेका छन्, ‘मेरो कारण तपाईहरुलाई गाह्रो पर्छ भने मलाई ब्यान्ड गर्नुस् ।’ यसै बिच कार्यक्रम संचालकले भने, ‘यस्तै भई राख्यो भने कार्यक्रम कसरी अगाडी बढ्छ । तपाईहरुलाई फोटो समय दिइन्छ ।’ सलमान लेऊ लेऊ भन्दै चुपचाप उभिएर रहे ।
बिग बोस १३ औं सिजन सेक्टेम्बर २९ देखि सञ्चालन हुँदैछ । यो शो सोमबारदेखि शुक्रबार राती १०ः ३० बजे प्रशारण हुनेछ भने शनिबार र आइतबार राती ९ बजे प्रशारण हुनेछ ।
