एसिड आक्रमणमा परेकी मुस्कानलाई बलिउड कलाकारको यस्तो सन्देश
केहि वर्ष अगाडि सिमा र संगीताको एसिड काण्डले नेपालमा तहल्का मच्चाएको थियो । यो घटना पश्चात नेपालमा एसिड आक्रमण विरुद्ध कानुन बनिसकेको छ । तर पनि एसिड काण्ड रोकिएको छैन ।
हालै वीरगन्जकी १४ वर्षीय मुस्कान खातुन पनि एसिड आक्रमणमा परेकी छिन् । उनको कीर्तिपुर अस्पतालमा उपाचार भइरहेको छ । उनले एक युवकको प्रेम प्रस्ताव अस्विकार गरेकी थिइन् । त्यहि युवकले बाटोमा हिड्दै गर्दा एसिड फ्याकेका थिए । उनीमाथि एसिड आक्रमण गर्ने दुई युवालाई प्रहरीले नियन्त्रण लिएको छ ।
एसिड आक्रमणमा परेपछि हरेक व्यक्ति मुस्कानको ओठमा मुस्कान ल्याउने प्रयास गरिरहेका छन् । उनी गायक राजु लामाको डाइ हार्ट फ्यान हुनु । उनलाई भेट्न राजु लामा कीर्तिपुर अस्पतालमै पुगेका थिए । यति मात्र होइन राजुले मुस्कानको लागि ‘तिमिलाई देखेर हिमाल हासेको’ बोलको गीत समेत गाए ।
मुस्कान हिन्दी फिल्ममा पनि निकै रुचि राख्थिन् । उनलाई मन पर्ने बलिउड कलाकार कृति सेनन र वरुण धवन हुन् । बलिउड अभिनेत्री सेननले मुस्कानसँग भिडियो कल गरिसकेकी छिन् भने वरुणले भिडियो सन्देश पठाएका छन् । उनले मुस्कानलाई ठीक भएपछि आफूसँग भेट्न आउन पनि अनुरोध गरेका छन् । उक्त भिडियो वरुणले भनेका छन्, ‘हाई मुस्कान, मलाई तपाईको बारेमा कृति भनेकी थिइन् । मलाई थाह छ, तपाई छिट्टै ठिक हुनुहुन्छ । तपाईलाई पढ्न धेरै मन पर्छ भन्ने सुनेको छु । तपाई छिट्टै ठिक हुनुस् र निकै मिहेनत गरेर अगाडी बढ्नुस् । तपाई अलि तन्दरुत भएपछि मलाई फेस टु फेस भेट्ने प्रयास गर्नुस् । तपाईलाई धेरै माया !’
भारतिय निर्देशक तथा निर्माता जुनैद मेननले कृति र मुस्कानबीच भिडियो कल मार्फत कुराकानी गराएका थिए । कृतिले मुस्कानको फोटो सेयर गर्दै ट्वीट गरेकी छिन्, ‘उनी साहसी युवती हुन् । भगवानले उनलाई आर्शिवाद दिऊन्, मलाई खुसी लागेको छ कि यो कठिन परिस्थितिमा पनि उनी मुस्काउन सकेकी छिन् । उनी निको भएपछि उनलाई भेट्न मन छ ।’
