‘एक भिलेन’पछि ‘मरजावा’मा यस्तो देखिए सिद्धार्थ र रितेश (ट्रेलर)
बलिउड अभिनेता सिद्धार्थ मल्होत्राको नयाँ फिल्म ‘मरजावा’को ट्रेलर सार्वजनिक भएको छ । एक्सन र रोमान्स फिल्ममा रितेश देशमुख भिलेनको रुपमा प्रस्तुत भएका छन् । ट्रेलर हेर्नुस् :
सिद्धार्थ र रितेशले यो फिल्म भन्दा अगाडि ‘एक भिलेन’मा एक साथ काम गरिसकेका छन् । एक भिलेनमा पनि रितेश भिलेन नै बनेका थिए । तर, मरजावामा सिद्धार्थ आफैले तारा सुतारियालाई गोली हानेका छन् । यो फिल्ममा सिद्धार्थ र तारा जोडीको रुपमा प्रस्तुत भएका छन् । ताराको यो दोस्रो फिल्म हो । उनले करण जोहरको ‘स्टुडेन्ट अफ द इयर’बाट बलिउडमा डेब्यु गरेकी थिइन् ।
मिलप जभरीले निर्देशन गरेको फिल्ममा सिद्धार्थ, रितेश, तारासँगै राकुल प्रित सिंहको पनि मुख्य भुमिका रहेको छ । यो फिल्म नोभेम्बर ८ अर्थात कार्तिक २२ गते देखि प्रर्दशन हुँदैछ ।
