क्युएफएक्समा ‘वार’लाई उच्च शोज, तर ‘कबड्डी ३’को भन्दा कम
असोज १५ गते बुधबार देखि रिलिज हुने बलिउड फिल्म ‘वार’को लागि क्युएफएक्समा टिकट बुकिङ खुल्ला गरिएको छ । यो फिल्मले क्युफएफक्समा उच्च शो पाएको छ । उच्च शो पाउनुको साथै टिकट बुकिङ हुन सुरु भईसकेको छ ।
यो फिल्मको टिकट बुकिङ आधारमा रिलिजको पहिलो दिन हाउसफुल रहने अनुमान गर्न सकिन्छ । क्युएफएक्समा यो फिल्मलाई ५१ शोज दिइएको छ । वार भन्दा अगाडी क्युएफएक्समा ‘कबड्डी कबड्डी कबड्डी’ले कब्जा गरेको थियो । क्युएफएक्सको ५१ पर्दामा वार लाग्दा कबड्डी पनि २० पर्दामा लाग्ने छ । कबड्डीले असोज ३ गते रिलिजको पहिलो दिन ६४ शोज पाएको थियो । बलिउडकै बहुप्रतिक्षित मानिएको फिल्म वारले पनि उच्च शो पाएको छ ।
सिद्धार्थ आनन्दले निर्देशन गरेको फिल्मलाई आदित्य चोपडाले निर्माण गरेका हुन् । यो फिल्ममा ऋतिक र टाइगरसँगै बानी कपूरको पनि मुख्य भुमिका रहेको छ ।
