‘महाभारत’मा द्रौपदी बन्दै दीपिका
एजेन्सी – केहि समय अगाडी सुपरस्टार आमिर खानले ‘महाभारत’ फिल्म बनाउने चर्चा थियो । तर, यो प्रोजेक्टबाट आमिरले हात झिकेका छन् । उनले फिल्म नबनाउने भएपनि महाकाव्यमा फिल्म बनाउने कोसिस रोकिएको छैन् । अब, मधु मन्टेनाले महाभारत फिल्म बनाउने भएकी छिन् । उनको यो फिल्ममा द्रौपदीको भुमिकामा दीपिका पादुकोण देखिने भएकी छिन् ।
यो फिल्ममा दीपिकाको अभिनय मात्र रहने छैन । उनी मधुसँग मिलेर को–प्रोडयुस पनि गर्दैछिन् । उनले फिल्मको बारेमा बोल्दै भनिन्, ‘म द्रौपदीको भुमिकालाई लिएर रोमान्चित र सम्मानित महसुस गरिरहेको छु । यो लाइफटाइम वाला भुमिका हो । महाभारत एक पौराणिक कथा हो । यसको सास्कृतिक प्रभाव पनि छ । यसले जीवनको केहि ज्ञान पाइन्छ । मैले सधैं महाकाव्यको भुमिकामा फोकस गरेको छु । यो फिल्ममा काम गर्नु पाउनु मेरो लागि चुनौती र फाइदा दुवै छ ।’
यो फिल्म दुई भन्दा बढि पार्टमा निर्माण हुनेछ । साथै यो दीपिकाको ब्यानरमा बन्ने दोस्रो फिल्म हो । उनले हालै ‘८३’ को छायाँकन सकेकी छिन् ।
