शाहरुखले ऐश्वर्याकी म्यानेजरलाई आगोबाट बचाउँदा सलमानले भने, ‘रियल हिरो’
एजेन्सी – बलिउड अभिनेता शाहरुख खानले दिवाली पार्टीमा ऐश्वर्या रायकी म्यानेजरको ज्यान बचाएर फिल्मको मात्र होइन रियल लाइफको पनि हिरो सावित भएका छन् । शाहरुखले आगोबाट ऐश्वर्याकी म्यानेजरको ज्यान बचाएपछि सामाजिक सञ्जालमा निकै तारिफ भईरहेको छ ।
सलमान खानले समेत शाहरुखको खुलेर तारिफ गरेका छन् । उनले शाहरुखको फिल्म ‘ह्याप्पी न्यु इयर’को सानो भिडियो सेयर गर्दै भनेका छन्, ‘असली हिरो त्यो हुन्छ, जसले आगोमा कुदेर, आगो निभाएर ज्यान बचाउँछ ।’
२७ डिसेम्बर आइतबार दिपावलीको अवसरमा अमिताभ बच्चनको घरमा पार्टी राखिएको थियो । सोमबार बिहान ३ बजे तिर एश्वर्याकी म्यानेजर अर्चना सदानन्दको लेहंगाले आगो टिपेको थियो । त्यतिबेला पार्टीमा मानिसको भिड कम भइसकेको थियो । शाहरुख खानले अर्चनाको लेहंगामा आगो लागेको देखेर निकै होसियारीको साथ निभाएका थिए ।
आगो लागीबाट अर्चनाको हात खुट्टा १५ प्रतिशत जलेको छ । शाहरुखलाई सामान्य हातमा चोट लागेको भारतिय मिडियाले जनाएको छ । ऐश्वर्याकी म्यानेजरलाई मुम्बईको नानावती अस्पतालमा भर्ना गरिएको छ ।
