सलमान खानको ‘दबंग ३’मा प्रिती जिन्टाको इन्ट्री
एजेन्सी – बलिउड सुपरस्टार सलमान खान आगामी फिल्म ‘दबंग ३’को प्रचार प्रसारको क्रममा छन् । यो फिल्मको ट्रेलर सार्वजनिक भईसकेको छ । ट्रेलर सार्वजनिक हुनु भन्दा अगाडी फिल्मको केहि सामग्री बाहिरिएको थिएन ।
उनले फिल्मलाई विशेष बनाउन हरेक प्रयास गरिरहेका छन् । अब, यो फिल्ममा डिम्पल क्वीन प्रिती जिन्टा जोडिएकी छिन् । प्रितीले इन्स्टाग्राममा केहि तस्बिर सार्वजनिक गरेकी छिन् । जसमा प्रिती पुलिस अफिसरको ड्रेसमा सलमान खानको साथ देखिएकी छिन् । सलमानले पनि ट्युविटरमा एक भिडियो सार्वजनिक गरेका छन् ।
प्रभुदेवाले निर्देशन गरेको फिल्ममा सलमान खान, सोनाक्षी सिन्हा, सई मान्जरेकर, किच्चा सुदिप, प्रमोद खन्ना, वरीना हसैन लगायत कलाकारको अभिनय रहेको छ । यो फिल्म डिसेम्बर २० अर्थात पुस ४ गते देखि रिलिज हुँदैछ ।
