नेपाल आईपुगे निरुता र गोविन्दा
बलिउडका चर्चित अभिनेता गोविन्दा अहुजा र अभिनेत्री निरुता सिंह नेपाल आई पुगेका छन् । उनीहरु यही कात्तिक २१ गतेबाट विरगञ्जमा हुन लागेको ‘नेपाल चलचित्र स्वर्णिम महोत्सव’ मा सहभागी हुन नेपाल आएका हुन् ।
गोविन्दासँगै उनकी श्रीमती सुनिता अहुजा र अभिनेत्री निरुता सिंह पनि नेपाल आएका छन् । नेपाल आएपछि गोविन्दाले त्रिभुवन अन्तर्राष्ट्रिय विमान स्थालमा प्रेससँग छोटो कुराकानी गरेका छन् । गोविन्दा गत वर्ष राजधानीमा भएको ‘एलजी फिल्म अवार्ड’ मा सहभागी हुन नेपाल आएका थिए । उनकी श्रीमती सुनिता नेपाली मुलकी हुन् । नेपाललाई आफ्नो ससुराली मान्ने गोविन्दा यस अघि पनि थुप्रै पटक नेपाल आइसकेका छन् ।
कार्तिक २१ गतेबाट सुरु हुने नेपाल चलचित्र स्वर्णिम महोत्सव कार्तिक २३ गते सम्म चल्ने छ । महोत्सव प्रवेशका लागि १ सय रुपैयाँको टिकट पनि राखिने आयोजकले जनाएको छ ।
