आयुष्मानको ‘बाला’को आक्रमक ओपनिङ
एजेन्सी – आयुष्मान खुरानाको फिल्म ‘बाला’ ले बक्स अफिसमा राम्रो प्रर्दशन गरिरहेको छ । यो फिल्मले भारु १० करोड १५ लाखमा ओपनिङ गरेको छ ।
यो फिल्मलाई दर्शकको साथै समिक्षकले पनि सकारात्मक प्रतिक्रिया दिएका छन् । बालाको पहिलो दिनमा भन्दा दोस्रो दिनमा बक्स अफिसमा सुधार आएको छ । भारतिय ट्रेन्ड एर्नालिस्ट तरण आदर्शको अनुसार फिल्मले दोस्रो दिन १५ करोड ७३ लाख कलेक्सन गर्दै बक्स अफिसमा २५ करोड ८८ लाख जम्मा गरेको छ ।
आयुष्मानको यो फिल्मले मनोरञ्जनका साथै सशक्त सन्देश दिएको छ । फिल्ममा उमेरभन्दा अघि नै कपाल झरेका एक युवकको कथा समेटिएको छ । कपाल झर्ने समस्या भोगिरहेको युवकको जीवनमा आउने घटना क्रमलाई कमेडी शैलीमा फिल्ममा देखाइएको छ ।
अमर कौसिकले निर्देशन गरेको फिल्ममा आयुष्मानसँगै भुमि पेडनेकर, यामी गौतम, सीमा पाहवा, मनोज पाहवा, जावेद जाफरी, सौरव शुक्ला लगायत कलाकारको अभिनय रहेको छ ।
