अजय देवगनको १०० औं फिल्म ‘तानाजी’को पोस्टर
एजेन्सी – बलिउड अभिनेता अजय देवगन फिल्म ‘तानाजीः द अनसंग वारियर’ लिएर चर्चामा रहेका छन् । यो फिल्म एक बायोग्राफिकल पीरियड ड्रामा हो । तानाजी मालुसरेको जिन्दगीमा आधारित रहेको छ । हालै अजय देवगनले फिल्मको पहिलो लुक सार्वजनिक गरेका छन् ।
सार्वजनिक पोस्टरमा अजय मराठी योद्धाको रुपमा देखिएका छन् । उनको पगडीको छेऊमा आगो लागेको छ । तानाजी अजयको १०० औं फिल्म हो । उनकी पत्नी काजोलले पोस्टर सेयर गर्दै लेखेकी छिन्, ‘३० वर्ष र १०० औं फिल्म । फुल और काँटे देखि लिएर गोलमाल, शिवाय र तानाजी सम्म आइपुग्दा आफ्नो मिहेन्तले जीत हासिल गरेको छौं । सबै फिल्मको क्यारेक्टर कहिँ न कहिँ तिम्रो नजिक आइपुग्छ । १०० फिल्म बर्थ डेको बधाई ।’
ओम राउतले निर्देशन गरेको फिल्ममा अजयसँगै काजोल र सैफ अली खानको पनि अभिनय रहेको छ । सैफ उदय भानको भुमिकामा देखिदैछन् भने काजोल सावित्री मालुसरेको भुमिकामा देखिदैछिन् ।
