सलमानको ‘दबंग ३’ प्रतिबन्ध गर्न जनजागृति समितिको माग
एजेन्सी – बलिउड सुपरस्टार सलमान खानको फिल्म ‘दबंग–३’ विवादमा फसेको छ । हिन्दु जनजागृति समितिले फिल्मको शिर्ष गीत ‘हुड हुड दबंग’प्रति आपत्ति जनाएको छ । यो गीतमा ऋर्षिहरुले सलमानसँग आपत्तिजनक तरिकाले डान्स गरेको भन्दै समितिले फिल्मलाई प्रतिबन्ध लगाउन माग गरेका छन् ।
समितिले एक पत्र लेख्दै यो गीतले हिन्दू समुदायको धार्मिक भावनामाथि प्रहार गरेको दाबी गरेको छ । सलमान खानले ऋर्षिहरुलाई तल देखाएको बताएका छन् । साथै ऋषिमुनिको छविलाई पनि खराब गरेको दाबी गरिएको छ ।
यो गीतमा भगवान शिव, विष्णु र बम्हाको रुपमा पेश गरिएको तीन व्यक्तिसँग आर्शिवाद लिएको पनि देखाइएको छ । यस्तो सीनप्रति केही धार्मिक संस्थाले पनि आपत्ति जनाएका छन् । यो विषयमा सलमान खान वा फिल्मसँग सम्बन्धित कसैको पनि प्रतिक्रिया आएको छैन ।
प्रभुदेवाले निर्देशन गरेको फिल्ममा सलमानसँगै सोनाक्षी सिन्हा, सई मन्जरेकर र किच्चा सुदिप लगायत कलाकारको अभिनय रहेको छ । यो फिल्म डिसेम्बर २० देखि प्रर्दशन हुँदैछ ।
