दीपिकाले पति रणवीरसँग फिल्म खेल्न अस्विकार गरिन्
एजेन्सी – बलिउड अभिनेत्री दीपिका पादुकोण र रणवीर सिंहको जोडी रियल लाइफसँगै रिल लाइफमा पनि उत्तिकै चर्चित छ । तर दीपिका पादुकोणले पति रणवीरसँग फिल्म खेल्न अस्विकार गरेकी छिन् ।
दीपिका र रणवीरले ‘गोलियोंकी रासलीला रामलीला, बाजीराव मसतानी, पद्मावत’ फिल्ममा काम गरिसकेका छन् । उनीहरुको जोडीलाई दर्शकले निकै रुचाइरहेका छन् । तर दीपिकाले रणवीरसँग लगातार ३ वटा फिल्ममा काम गर्न अस्विकार गरेकी छन् । उनले रणवीरसँग फिल्म नखेल्ने कारण बताउदै भनिन्, ‘मेरो र रणवीरको रियल लाइफको केमेस्ट्रीलाई फिल्मको पर्दामा ओभर एक्सपोज गर्ने चाहन्न ।’
दीपिका र रणवीर क्रिकेटर कपिल देवको जीवनमा आधारित रहेको फिल्म ‘८३’ मा एक साथ देखिदैछन् । यो फिल्ममा रणवीर कपिल देवको भुमिकामा देखिदैछन् भने दीपिका उनकी पत्नी रोमी भाटियाको भुमिकामा देखिदैछिन् ।
