ऐतिहासिक फिल्म ‘पानीपत’लाई पछि पार्दै ‘पति, पत्नी और वो’
एजेन्सी – गत शुक्रबारदेखि बलिउड अभिनेता कार्तिक आर्यन स्टारर फिल्म ‘पति, पत्नी और वो’ र सञ्जय दत्त र अर्जुन कपूर स्टारर फिल्म ‘पानीपत’ प्रर्दशन भएका छन् । भारतिय बक्स अफिसमा ‘पानीपत’लाई ‘पति, पत्नी और वो’ले टक्कर दिईरहेको छ ।
यी दुवै फिल्मलाई फिल्म समिक्षकले राम्रो प्रतिक्रिया दिएका छन् । तर भारतिय बक्स अफिसमा ऐतिहासिक कथामा निर्माण भएको फिल्म भन्दा कमेडी प्रेम कथामा निर्माण भएको फिल्म ‘पति, पत्नी और वो’ अगाडी रहेको छ । ‘पति, पत्नी और वो’ले ९ करोड १० लाखमा ओपनिङ गर्दा ऐतिहासिक फिल्म ‘पानीपत’ले ४ करोड १२ लाखको ओपनिङ गरेको छ ।
मुदासर अजिजले निर्देशन गरेको फिल्म पति पत्नी और वोमा कातिक आर्यन, भूमी पेन्डेकर र अनन्या पाण्डे मुख्य भुमिका रहेको छ । भने आशुतोष गोरीकरले निर्देशन गरेको फिल्म पानीपतमा संजय दत्त, अर्जुन कपुर र कृति सेननको मुख्य भुमिका रहेको छ । नेपालमा भने ‘पानीपत’ रिलिज भएको छैन ।
