रानीको ‘मर्दानी २’को दोस्रो दिन दोब्बर कलेक्सन
एजेन्सी – बलिउड अभिनेत्री रानी मुखर्जीको फिल्म ‘मर्दानी २’ शुक्रबार देखि प्रर्दशनमा आएको छ । यो फिल्मले बक्स अफिसमा ३ करोड ८० लाखको ओपनिङ गरेको छ ।
यो फिल्मको कहानी एक सीरियल किलरमा आधारित छ । जसले केटीहरुलाई आफ्नो निशाना बनाउँछ । मर्दानी २ मा रानीको दमदार भुमिका रहेको छ । उनको अभिनयलाई दर्शक निकै रुचाइरहेका छन् । फिल्मले पहिलो दिन भन्दा दोस्रो दिन दोब्बर कलेक्सन गरेको छ । फिल्मले दोस्रो दिन ६ करोड ५० लाख कलेक्सन गर्दै १० करोड जम्मा गरिसकेको छ ।
गोपी पुरथनले निर्देशन गरेको फिल्मलाई एशराज फिल्म्स ब्यानरबाट निर्माण गरिएको हो । सत्य घटनाबाट प्रेरित रहेको फिल्ममा रानी मुखर्जी र विशाल जेठवाको मुख्य भुमिका रहेको छ ।
