अभिषेकले नमानेपछि सैफ र रानी बने ‘बन्टी और बब्ली’
रानी मुखर्जीको नयाँ फिल्म ‘बन्टी और बब्ली २’ को घोषणा भएको छ । यो फिल्ममा रानी र सैफ अली खानको जोडी देख्न सकिन्छ ।
बन्टी और बब्लीमा रानी र अभिषेक बच्चनको जोडी थियो । अभिषेकलाई यसको सिक्वेल पनि प्रस्ताव गरिएको थियो । तर, अभिषेकले फिल्म अस्विकार गरेका छन् । रानीले अभिषेकलाई फिल्म प्रस्ताव गरेका बताउदै भनिन्, ‘बन्टी र बब्लीलाई दर्शकले अत्यधिक प्रेम र प्रशंसा पाएको थियो । उहाँहरुको प्रेमले नै यशराज फिल्म्सलाई सिक्वेल बनाउन प्रेरित गरेको हो । बन्टी और बब्ली २ को लागि अभिषेकलाई सम्पर्क गरेका थियौ तर दुर्भाग्यले कुरा मिलेन । यो फिल्ममा हामीले सैफलाई स्वागत गरेका छौं र हामी निकै खुसी छौं ।’ सैफले फिल्मको कथा मन परेर फिल्म साइन गरेको बताए ।
यो फिल्ममा सिद्धान्त चतुर्बेदी र शरवरी ठगको भुमिकामा देखिनेछन् । उनीहरुको सिनियर ठगको भुमिकामा सैफ र रानी देखिनेछन् । ‘हम तुम, ता रा रम पम, थोडी प्यार थोडा म्याजिक’ जस्ता हिट फिल्ममा अभिनय गरेका सैफ र रानी ११ वर्षपछि स्क्रिन सेयर गर्दैछन् । यो फिल्मलाई वरुण शर्माले निर्देशन गर्नेछन् ।
