सलमानको ‘दबंग ३’लाई मिश्रित प्रतिक्रिया
एजेन्सी – बलिउडमा मसला फिल्मको किंग मानिने सलमान खानको ‘दबंग ३’ प्रर्दशनीमा आइसकेको छ । फिल्म प्रर्दशनीमा आएसँगै फिल्म समिक्षक र दर्शकले समीक्षा दिइरहेका छन् ।
यो फिल्मलाई दर्शकले मिश्रित समीक्षा दिएका छन् । कतिपय दर्शकले फिल्म पावरफुल रहेको बताएका छन् भने कतिपयले ३ घण्टा फिल्मलाई झेल्न मुश्किल पर्ने बताएका छन् । यो फिल्मलाई प्रभु देवाले निर्देशन गरेका हुन् । यो फिल्मको कथा पहिलो दुई फिल्मको लाइनमै रहेको छ । तर पनि निर्देशक प्रभु देवा एक्सनमा आफ्नो छाप छोड्न सफल भएका छन् । दबंग सीरीज एक्सन, कमेडी र संगीतले भरपुर फिल्म भनेर चिनिन्छ । यो फिल्मको पहिलो दुई फिल्म भन्दा कहानी फरक रहेको छ । फिल्मको कथा अभिनेता सलमान खान आफैंले तयार पारेका हुन् ।
दबंग ३ मा चुलबुल पाण्डेको ब्याक स्टोरी देखाइएको छ । यो पार्टमा चुलबुलको पहिलो लभ स्टोरीको खुलासा गरिएको छ । फिल्ममा खुशी (सई मान्जरेकर) र चुलबुल पाण्डे (सलमान खान)को लभ स्टोरी देखाइएको छ । यो कहानीको खलनायक बाली (सुदिप किच्चा) हुन् । सई मान्जरेकरले यो फिल्मबाट डेब्यु गरेकी हुन् । उनले डेब्यु फिल्मबाटै निकै तारिफ बटुलेकी छिन् ।
