‘मैले पनि अक्षयको जति पारिश्रमिक पाउनुपर्छ’: करीना
एजेन्सी – बलिउड फिल्म ’गुड न्यूज’को प्रदर्शन मिति नजिकिएसँगै निर्माण टिम फिल्मको प्रमोशनमा व्यस्त भएका छन् । यो फिल्ममा अभिनेता अक्षय कुमार र अभिनेत्री करीना कपूर खान मुख्य भूमिकामा छन् ।
हालै गुड न्यूजको प्रमोशनको क्रममा अक्षय कुमार र करीना कपूर भारतिय कमेडी रियालिटी शो कपिल शर्मा शोमा पुगेका थिए । उक्त शोमा कपिल शर्माले करिनालाई ’तपाई एउटा फिल्ममा अभिनय गरेको कति पारिश्रमिक लिनुहुन्छ वा लिन चाहनु हुन्छ?’ भन्ने प्रश्न गरेका थिए।
पारिश्रमिकको बारेमा बोल्दै करिनाले आफ्नो कोस्टार अक्षय कुमारको जति नै पारिश्रमिक चाहिने इच्छा व्यक्त गरिन् । उनले भनिन् ’बलिउड इन्डस्ट्रीमा बिस्तारै परिवर्तन आँउदै छ । महिलाहरु पनि फिल्म क्षेत्रमा राम्रो काम गरिरहेका छन् । मलाई लाग्छ महिला र पुरुषबीच भेदभाव गर्नु हुँदैन । त्यसैले मैले पनि अक्षय कुमारको जति पारिश्रमिक पाउनुपर्छ ।’
राज मेहता निर्देशन गरेको फिल्ममा अक्षय र करिनासँगै कायरा अडवानी र दिलजित दोसाँझ पनि अभिनय रहेको छ । यो फिल्म २७ डिसेम्बर देखि प्रर्दशन हुँदैछ ।
