खान्सको साथ नम्बर बारे अक्षयले भने, ‘यो रेसको घोडा होइन’
एजेन्सी – बलिउड फिल्म ’गुड न्यूज’को प्रदर्शन मिति नजिकिएसँगै निर्माण टिम फिल्मको प्रमोशनमा व्यस्त भएका छन् । यो फिल्ममा अभिनेता अक्षय कुमार र अभिनेत्री करीना कपूर खान मुख्य भूमिकामा छन् ।
अभिनेता अक्षय वर्षमै ५–६ वटा फिल्म खेल्छन् । उनले गत वर्ष ठू–ठूला फिल्ममा काम गरेका थिए । तर, ९० को दशक देखि लिएर अहिलेसम्म पनि सुपरस्टारको नाम लिनुपर्दा ३ खान्स अर्थात सलमान खान, शाहरुख खान र आमिर खानकै नाम लिइन्छ । अक्षयलाई एक भारतिय मिडियाले यी तीनपछि अक्षयको नाम आउँछ भनेर प्रश्न गरिएका थिए । उक्त प्रश्नको जवाफमा अक्षयले भने, ‘म नम्बर गेमलाई लिएर चिन्ता लिन्न । म यो रेसको घोडा होइन ।’
राज मेहता निर्देशन गरेको फिल्ममा अक्षय र करिनासँगै कायरा अडवानी र दिलजित दोसाँझ पनि अभिनय रहेको छ । यो फिल्म २७ डिसेम्बर देखि प्रर्दशन हुँदैछ । यो फिल्म बाहेक अक्षय कुमारको ‘सुर्यवंशी, लक्ष्मी बम्ब, पृथ्वीराज र बच्चन पाण्डे’ जस्ता फिल्ममा काम गर्दैछन् ।
