‘म सलमानलाई सधैं माया गर्छु’: अक्षय कुमार
एजेन्सी – बलिउड अभिनेता सलमान खान र अक्षय कुमार ईदमा बक्स अफिसममा प्रतिस्पर्धा गर्दैछन् । सलमान खानको ‘राधेः योर मोस्ट वान्टेड भाइ’ र अक्षय कुमारको ‘लक्ष्मी बम्ब’ २०२० को इदमा रिलिज हुँदैछन् । तर यी दुई स्टारबिच मनमुटाव भने छैन् । अक्षयको अनुसार सलमान उनको लागि निकै खास छन् ।
अक्षयलाई ‘मुझसे शादी करोगी २ बन्छ ? यो फिल्ममा दुवै जनालाई देख्न पाइन्छ’ भन्ने प्रश्न गरिएको थियो । उनले यो प्रश्नको जवाफ दिदै भने, ‘देख्नु हुन्छ किन नदेख्नु ? यो फिल्ममा काम गर्न खुशी हुन्छु । मुझसे शादी करोगी २ बनाउने राम्रो आइडिया हो । साजिद नाडियावालालाई यो फिल्म बनाउनु पर्छ भन्छु । मलाई सलमानसँग काम गर्न मज्जा लाग्छ ।’
अक्षय कुमारले सलमानलाई सधैं माया गर्ने बताए । उनले भने, ‘म सलमान खानलाई सधैं माया गर्छु । उनीप्रति मेरो मनमा सफ्ट कर्नर छ ।’
