एसिड पिडितसँग जन्मदिन मनाउने योजनामा दीपिका
एजेन्सी – बलिउड अभिनेत्री दीपिका पादुकोण अहिले फिल्म ’छपाक’को प्रमोसनमा व्यस्त छिन् । एसिड पीडित लक्ष्मी अग्रवालको जीवनमा आधारित फिल्ममा उनी एसिड पीडितको भूमिकामा देखिने छिन् ।
दीपिका ३४ औं जन्मदिन एसिड पीडितहरुसँगै मनाउने योजनामा छिन् । उनको जन्मदिन ५ जनावरी हो । उनी आफ्नो जन्मदिन लखनऊको शीरोज क्याफेमा मनाउने भएकी छिन् । यो क्याफे एसिड पिडितले चलाउदै आएका छन् । यसको साथै दीपिकाले लखनऊको केहि एसिड पिडितलाई पनि भेट्ने योजना बनाएकी छिन् ।
मेघना गुलजारले निर्देशन गरेको फिल्ममा दीपिकासँगै विक्रान्त मैसीको पनि मुख्य भुमिका रहेको छ । यो फिल्म १० जनावरी देखि रिलिज हुनेछ ।
