रजनीकान्तलाई पछि पार्दै विजयले लिए १०० करोड पारिश्रमिक ?
एजेन्सी – तमिल फिल्मका सुपरस्टार विजयले १०० करोड पारिश्रमिक लिएको चर्चा छ । उनका पछिल्लो फिल्महरु सुपरहिट भइरहेको छ । त्यसैले विजयको लागि निर्माताले १०० करोड तिरेका छन् ।
भारतिय रिपोर्टका अनुसार विजयले ‘थलपथी ६५’ नामक फिल्मका लागि सन पिक्चर्ससँग एक सय करोडमा सम्झौता गरेका छन् । तर, यसबारे अहिलेसम्म आधिकारिक घोषणा भएको छैन । विजयलाई सन पिक्चर्सले ५० करोड दिइसकेको खबर पनि सार्वजनिक भएको छ । यो भन्दा पहिले मेगास्टर रजनीकान्तले फिल्म ‘दरबार’को लागि ९० करोड पारिश्रमिक लिएका थिए ।
हाल विजय ‘मास्टर’ फिल्मको छायांकनमा व्यस्त छन् । लोकेश कनगराजले निर्देशन गरिरहेको फिल्ममा उनी कलेज प्रोफेसरको भुमिका निभाउदै छन् ।
