बक्स अफिसमा ‘छपाक’ भन्दा अजयको ‘तानाजी’ अगाडी
गत शुक्रबारदेखि अजय देवगनको ‘तानाजीः द अनसंग वारियर’ र दीपिका पादुकोणको ‘छपाक’ प्रर्दशन भइरहेको छ । अजयको तानाजी घरेलु बक्समा अगाडी रहेको छ भने दीपिकाको छपाक पछि पछि आइरहेको छ ।
भारतिय टेन्ड एर्नालिस्ट तरण आर्दशको अनुसार, तानाजीले भारतिय बक्स अफिसमा १५ करोड १० लाखको ओपनिङ्ग गरेको छ भने छपाकले ४ करोड ७७ लाखमा ओपनिङ्ग गरेको छ । तानाजीले शुक्रबार १४ करोड २० लाख र शनिबार २० करोड ५७ लाख कलेक्सन गर्दै दुई दिनमा ३५ करोड ५७ लाख जम्मा गरेको छ । त्यस्तै छपाकले शुक्रबार ४ करोड ७७ लाख र शनिबार ६ करोड ९० लाख कलेक्सन गर्दै ११ करोड ६७ लाख जम्मा गरेको छ ।
ओम राउतले निर्देशन गरेको फिल्म तानाजीमा अजय देवगनसँग काजोल र सैफ अली खानको मुख्य भुमिका रहेको छ । मेघना गुलजारले निर्देशन गरेको फिल्म छपाकमा दीपिकासँगै विक्रान्त मेसीको मुख्य भुमिका रहेको छ ।
