‘कभी ईद कभी दिवाली’मा सलमान र कृतिको जोडी ?
एजेन्सी – बलिउड अभिनेता सलमान खानले नयाँ फिल्म ‘कभी ईद कभी दिवाली’ घोषणा गरेका छन् । उनले यो फिल्म घोषणा सँगै २०२१ को ईदमा प्रर्दशन मिति तय गरिसकेका छन् ।
फरहाद सामजीले निर्देशन गर्ने फिल्मलाई साजिद नाडियालवाले निर्माण गर्नेछन् । यस फिल्ममा सलमानको जोडी कृति सेननसँग बाँधिने सम्भावना छ । कृतिले निर्माता साजिदको फिल्म ’हीरोपंती’बाट बलिउडमा डेब्यू गरेकी थिइन् भने हाल उनी साजिद र फरहादको फिल्म ’बच्चन पांडे’मा काम गरिरहेकी छन् । केहि समय अगाडी कृति र सलमान ‘बिग बोस ९’को सेटमा एक साथ देखिएका थिए । साथै उनीहरुको रोमान्सलाई दर्शकले रुचाएका थिए ।
२००९ देखि ईदमा कब्जा जमाउदै आएका सलमानको यस वर्ष ’राधेः द मोस्ट वान्टेड भाइ’ रिलिज हुँदैछ । फिल्ममा सलमानसँगै दिशा पाटनी, ज्याकी श्राँफ र रणदीप हुडाको मुख्य भुमिका रहेको छ ।
