प्रभासको नयाँ फिल्म ‘जान’ हिन्दीमा प्रर्दशन नहुने
एजेन्सी – साउथ सुपरस्टार प्रभासले पछिल्लो समय बलिउड फिल्म ‘साहो’मा अभिनय गरेका थिए । यो फिल्मले बक्स अफिसमा खासै कमाल देखाउन सकेन । साथै साउथ फिल्ममा राम्रो नाम कमाएका प्रभासले यो फिल्मबाट प्रसंशा पाउन सकेनन् ।
प्रभासले हालै साउथ फिल्म ‘जान’को सुटिङ्ग सुरु गरेका छन् । भारतिय मिडिया अनुसार, प्रभासले यो फिल्म हिन्दीमा प्रदर्शन नगर्ने बताएका छन् । ठूलो बजेटको फिल्म ‘साहो’को असफलतापछि प्रभास कुनै पनि चुनौतिको सामना गर्न चाहदैनन् । उनले फिल्म टिमलाई तय गरेको बजेट र समयमै सकाउन अनुरोध गरेका छन् ।
राधा कृष्ण कुमारले निर्देशन गर्न लागेको फिल्ममा प्रभास र पूजा हेगडेको जोडी देख्न सकिन्छ । पिरियड लभ स्टोरी फिल्मको लागि हैदराबादमा ठूलो सेट तयार पारिएको छ । यो फिल्ममा प्रभास ज्योतिषको भुमिका निभाउदैछन् ।
