कार दुर्घनामा बलिउड अभिनेत्री शबाना घाइते
एजेन्सी – बलिउड अभिनेत्री शबाना आजमी कार दुर्घटनामा घाइते भएकी छिन् । शनिबार मुम्बई–पुणे एक्सप्रेस नाम गरेको हाइवेमा उनको कार एक ट्रकसँग ठोक्किएको थियो । एमजीएम हस्पिटलमा भर्ती भएकी शबाना खतरा भन्दा बाहिर रहेकी छिन् ।
उनको टाउको र अनुहारमा चोट लागेको छ । यसैबिच, शबानाका ड्राइभर अमलेश योगेन्द्रले लापरवाहीपूर्ण तरिकाले कार चलाएको भन्दै उनीविरुद्ध प्रहरीले एफआइआर दर्ता गरेको छ । ट्रक ड्राइभरले योगेन्द्र विरुद्ध एफआइआर दर्ता गरेका हुन् ।
घायल शबानालाई भेट्न बलिउडकर्मीहरु अस्पताल पुगेर भेट गरेका छन् । साथै उनलाई सामाजिक सञ्जाल मार्फत पनि स्वास्थ्य लाभको कामना गरिरहेका छन् ।
