अक्षय कुमारको ‘गुड न्यूज’ २०० करोड क्लबमा
एजेन्सी – बलिउड अभिनेता अक्षय कुमार र करीना कपूर खान स्टारर फिल्म ‘गुड न्यूज’ २०० करोड क्लबमा प्रवेश गरेको छ । यो फिल्म चौथौं हप्तामा २ सय करोड क्लबमा समावेश भएको हो ।
तरण आदर्शको अनुसार, चौथो हप्ता शुक्रबार ७५ लाख, शनिबार १ करोड ४० लाख र आइतबार १ करोड ८९ लाख कलेक्सन गर्दै २०१ करोड १४ लाखको व्यापार गरेको छ । यो फिल्मले ३ दिनमा ५० करोड कमाइ गरेको थियो भने ६ दिनमा १०० करोड, ७ दिनमा, १२५ करोड, १० दिनमा १५० करोड १३ दिनमा १७५ करोड र २४ दिनमा २०० करोड कमाएको छ ।
सलमान खानको ‘दबंग ३’ लाई पछि पार्दै यो फिल्म २०१९ को सफल फिल्ममा सामेल भएको छ । यो फिल्मले भारतिय बक्स अफिसको साथै विदेशमा पनि राम्रो प्रर्दशन गरिरहेको छ ।
राज मेहताले निर्देशन गरेको फिल्ममा अक्षय र करीनासँगै दिलजित दोसाँझ, कियारा अडवानीको मुख्य भुमिका रहेको छ ।
