वरुण र श्रद्धाको ‘स्ट्रिट डान्स’ले निराश बनाउँदा कंगनाको ‘पंगा’को तारिफ
माघ १० गते देखि कंगना रनावतको फिल्म ‘पंगा’ र वरुण धवन र श्रद्धा कपूरको फिल्म ‘स्ट्रिट डान्सर’ प्रर्दशनमा आएको छ । फिल्म रिलिज भएसँगै फिल्म समीक्षा आउन सुरु भएको छ ।
कंगनाले बक्स अफिसमा पनि राम्रै पंगा लिने भारतिय समीक्षकको अनुमान रहेको छ । कंगनाको ‘पंगा’ले दर्शकको मन जित्दा वरुण र श्रद्धाको ‘स्ट्रिट डान्सर’ चुकेको छ । ‘स्ट्रिट डान्सर’ फिल्मको नाम सुन्दा गल्लीको डान्सरहरुको कहानी देखाइने छ, भन्ने अनुमान रहन्छ तर नाम अनुसारको फिल्म नभएको भारतिय समीक्षकको गुनासो छ । फिल्ममा कहानी भन्दा पनि डान्समै बढी फोकस छ । यो फिल्म हेर्दा ‘एबीसीडी’ र ‘एबीसीडी २’ कै झल्को दिन्छ । वरुण र श्रद्धाको अगाडी अन्य कलाकार छायाँमा परेका छन् । ‘स्ट्रिट डान्सर’को गीत प्राय सबै हिट छन् । तर, ‘पंगा’मा मन छुने गीत नै छ्रैन ।
कबड्डी प्लेयरको भुमिकामा देखिएकी कंगनाले राम्रो काम गरेकी छिन् । कंगनाको श्रीमानको भुमिकामा देखिएको जस्सी गिलको काम पनि उत्कृष्ट रहेको छ । साथै कंगनाको छोराको भुमिका देखिएका यज्ञ भसीनले तारिफ बटुलेका छन् । यो फिल्म हेर्दा ‘दंगल’ र ‘मैरीकोम’को झल्को दिन्छ ।
