आनन्दको फिल्म ‘अतरंगी रे’मा अक्षय, धनुष र सारा
एजेन्सी – साउथ अभिनेता धनुषले सन् २०१९ मा आनन्द एल रायको फिल्ममा काम गर्ने बताएका थिए । यो फिल्मको घोषणा गर्दै ‘अतरंगी रे’ नाम राखिएको छ । धनुषको साथै यो फिल्ममा सारा अली खानको पनि नाम जोडिएको थियो । अब, यो फिल्ममा अक्षय कुमारको इन्ट्री भएको छ ।
त्रिकोणत्मक लभ स्टोरीमा तयार हुने फिल्ममा अक्षय जोडिएसँग मुख्य कलाकारको खोजी पुरा भएको छ । अक्षयले आनन्दसँग काम गर्न उत्साहित भएको बताउदै भने, ‘आनन्दले फिल्मको कहानी सुनाएपछि मैले १० मिनेट मै हुन्छ भनेको थिए । आनन्दसँग काम गर्न एकदमै उत्साहि छु । यो फिल्मको सुटिङमा अरु फिल्मको जति समय लिन्न । यो फिल्मको भुमिका र कहानी पुरै जिन्दगी भर याद रहने छ । यसमा म धनुष र साराको साथ छु । यो एक अतरंगी कास्ट हो । मलाई थाहा छ, आनन्द सरल तरिकाले फिल्मको स्टोरी बताउछन् । उनी आफ्नो फिल्म खास बनाउँछन् ।’
यो फिल्मको छायांकन मार्च १ देखि सुरु हुँदैछ । केहि समय अगाडी अक्षयले यो फिल्मको लागि १२० करोड लिएको खबर बाहिरिएको थियो । तर, निर्माण टिमले यस विषयमा केहि खुलाएका छैनन् ।
