‘बादलहरु’सँग सुरक्षा पन्तको पिडा (भिडियो)
विगट गाउँमा बिजुली बत्ती पुग्दाको खुसीयालीलाई लिएर ‘बादलहरु’ बोलको गीत सार्वजनिक भएको छ । मानव सुवेदीको संगीत र सुरक्षा पन्तको मनछुने शब्द रहेको गीतमा राज गोश्वामीले स्वर दिएका छन् । भिडियो :
बिहिबार भव्य प्रेसमिट गर्दै बादलहरु गीति कथानक लघु फिल्म रिलिज गरिएको हो । प्रेसमिटमा विधुत प्राधिकरणका प्रमुख कुलमान घिसिङ र महानायक राजेश हमालले भिडियोको मुक्त कण्ठले प्रशंसा गरे । यस्तै गायकहरु राजेश पायल राई, सुगम पोखरेल, शिव परियार र धर्मेन्द्र सेवन लगायत अतिथिले पनि भिडियो राम्रो बनेको बताए ।
मानव सुवेदीकै निर्देशनमा तयार भएको भिडियोमा सुरक्षा पन्त, घनु जोशी र राज गोश्वामीले अभिनय गरेका छन् । सुशिल देवकोटाले छायाँकन गरेको भिडियोलाई निर्देशक सुवेदीले नै सम्पादन गरेका हुन् भने पटकथा एवं संवाद अभिनेत्री पन्तकै हो ।
