राजेश हमालले गाएको ‘गाउँले ठिटो’ रिलिज
महानायक राजेश हमालको स्वरमा ‘गाउँले ठिटो’ बोलको गीत सार्वजनिक भएको छ । गीतमा सन्तोष श्रेष्ठको संगीत र गोविन्द भट्टले शब्द सृजना छन् । देवेन्द्र पाण्डे निर्देशित गाउँले ठिटोको भिडियो हेर्नुस् :
गाउँले परिवेशलाई प्रस्तुत गरिएको गीतको भिडियोमा राजेश हमालसँगै उत्तम के.सी, शिवराज कार्की, सुरेन्द्र कुमार दाहाल, गोविन्द भट्ट र सुनिल देवकोटा लगायत कलाकारहरुको अभिनय छ । उत्सव दाहालको छायाँकन रहेको भिडियोलाई विकास दाहालले सम्पादन गरेका हुन् ।
नेपाली फिल्म क्षेत्रका महानायक राजेश हमालले गाएको यो दोश्रो गीत हो । ‘गाउँले ठिटो’ अगाडी राजेश हमालले मन बुढो भएन बोलको गीतमा स्वर दिएका थिए ।
शुक्रबार प्रेसमिट गर्दै गाउँले ठिटो गीतको भिडियो सार्वजनिक गरिएको हो । प्रेसमिटमा राजेश हमाल पत्नी मधु भट्टराई पनि अतिथिको रुपमा उपस्थित थिइन् ।
