प्रेमराजा र दिपाश्रीको ‘पीपल डाँडे साईली’ सार्वजनिक
ट्रि इन्टरटेन्मेन्टको प्रस्तुतिमा लोक शैलीको नयाँ गीत ‘पीपल डाँडे साईली’ रिलिज भएको छ । यो गीतमा गायक प्रेमराजा महत्त र गायिका अस्मिता परियारको स्वर छ । गीतको शब्द तथा संगीत पनि प्रेमराजा महत्तले नै तयार पारेका हुन् । भिडियो :
‘बाँझो खेतमा, हिउँचुलीमा हिउँ, बिदेशीको हरियो डलर’ जस्ता चर्चित गीतका गायक महत्तले यो गीत आफूले ४ दशक अगाडि नै कल्पना गरेको बताए । दीपक नेपालीको निर्देशनमा तयार भएको भिडियोमा प्रेमराजा महत्त, दीपाश्री निरौला, डेलविस, राज, जुना सुन्दास र सलिना खत्रीको नृत्य छ ।
दिनेश दर्शनधारी, यशोधा राई र सुवणर् महर्जनको लगानीमा बनेको यो गीतमा नवराज उप्रेतीको छायांकन, प्रविण भट्टको सम्पादन छ । भिडियोमा मौसम हिमालीको कोरियोग्राफी छ । बुधबार प्रेसमिट गर्दै पीपल डाँडे साइँली सार्वजनिक गरिएको हो ।
