अनमोलले सुरु गरे ‘छड्के २’ को छायाँकन
अनमोल केसी स्टारर फिल्म ’छड्के २’को शुक्रबार चितवनमा मुहुर्त गर्दै छायांकन सुरु गरिएको छ । कृष्ण जन्माष्टमीको अवसर पारेर सिनेमाको छायांकन सुरु गरिएको हो । फिल्म निर्माण युनिट केहि दिनदेखि चितवनमै वर्कसप गरिरहेको थियो ।
निगम श्रेष्ठको लेखन तथा निर्देशन रहने फिल्म छड्के २ मा अनमोलसंगै रोविन तामाङ, कमलमणि नेपालको मुख्य भूमिकामा छन् । अन्य कलाकार भने निर्माण पक्षले सार्वजनिक गरेको छैन । काभ्रे फिल्म्सको व्यानरमा निर्माण हुने फिल्मसंग मेधा फिल्म्स र निर्वाण फिल्म स्कुलले सहकार्य गरेका छन् । फिल्मको निर्मातामा प्रशान्त गिरी र लक्ष्मण काफ्ले रहेका छन् ।
६० दिनको छायांकन सेड्युल निकालिएको फिल्म चितवन र मुस्ताङमा खिचिनेछ । छायांकनसँगै क्रमैसँग फिल्म सम्बन्धि जानकारी सार्वजनिक गरिरहने निर्देशक निगम श्रेष्ठको भनाई छ ।
