‘राधा’ प्रिमियरमा पूजा सोनमदेखि दिया विनयसम्म
भोलि शुक्रबारदेखि प्रदर्शनमा आउने फिल्म ‘राधा’ को बिहिबार प्रिमियर गरिएको छ । प्रिमियरमा सहभागीले राधाको शिर्ष भूमिका निभाएकी अभिनेत्री सृष्टि श्रेष्ठको अभिनयको प्रशंसा गरे ।
‘राधा’को प्रिमियर शोमा विनय श्रेष्ठ, दिया मास्के, पूजा शर्मा, सोनम तोप्देन, रेणु यादव लगायत कलाकारहरु उपस्थिति थिए । विनय र उनकी श्रीमती ऐनी त राधा हेरेर रुदै हलबाट निस्किएका थिए । प्रिमियरमा सहभागी अधिकाशंले राधा को कथा र सृष्टिको अभिनयले मन छोएको प्रतिक्रिया दिए । फिल्मलाई सुवर्ण थापा निर्देशन गरेका हन् । फिल्म निर्माणमा सुवर्ण र सौगात मल्ले सहकार्य गरेका छन् ।
फिल्म ‘राधा’ मा सृष्टिसँगै खगेन्द्र लामिछाने, सौगात मल्ल, बुद्धि तामाङ, दिव्यदेव पन्त, मेनुका प्रधान, निश्चल बस्नेत लगायत कलाकारहरुको अभिनय छ । वेपत्ता श्रीमानको पर्खाइमा बसेकी श्रीमती राधा को सहनशीलतालाई फिल्ममा देखाइएको छ ।
तस्बिर : उद्धव रसाईली
