सुमन गैरेको रचनामा ‘लुकीछिपी’ रिलिज (भिडियो)
प्रविशा अधिकारी र सुमन केसीको स्वरमा ’लुकीछिपी’ गीतको भिडियो सार्वजनिक भएको छ । सरोज पोखरेलको संगीत रहेको गीतमा सुमन गैरेको शब्द रचना छ । सञ्चारकर्मी गैरे हाल अमेरिकामा छन् । भिडियो :
प्रकाश धितालको निर्देशनमा बनेको यस म्युजिक भिडियोमा उमेश भट्ट र आलिशा बास्तोलाको अभिनय छ । गहिरो प्रेममा रहेका जोडीले आफ्ना भावना पोखेको यस गीतको छायांकन चितवनमा गरिएको हो ।
उत्सव दाहालले छायांकन गरेको यस भिडियोका सम्पादक बिकास दाहाल हुन् भने एशोसियट निर्देशक माधव शर्मा हुन् । कोरियोग्राफी प्रेम रसाईलीको छ । यस गीतलाई गायक केसी र गीतकार गैरेले निर्माण गरेका हुन् ।
