‘बेवी बसन्ती’सँग आकाश श्रेष्ठको मस्ती (भिडियो)
गायिका तथा मोडल बसन्ती राईको नयाँ गीत ‘बेवी बसन्ती’ सार्वजनिक भएको छ । गीतमा राजेश गुरुङको शब्द तथा संगीत छ । भिडियोमा आकाश श्रेष्ठ बसन्तीको जोडीको रुपमा प्रस्तुत भएका छन् । भिडियो :
गम्भिर बिष्टको निर्देशन एंव कोरियोग्राफी रहेको भिडियोमा बसन्ती र आकाशसँगै कलाकार सुरवीर पण्डीत र उमेश राई (फुलन्देको आमा) ले ठुम्का लगाएका छन् । बसन्ती र आकाशको हट डान्ससंगै रोमान्टिक मुडमा पनि देखिएका छन् । बुद्ध थापाको सिनेमाटोग्राफी रहेको म्युजिक भिडियोमा एडिट तथाकलर नबिन निरौलाको रहेको छ ।
अमेरिकामा बस्दै आएकी बसन्तीले यस अगाडी राजेश पायल राईसंग ‘सोई ढोले सोइ’, महानायक राजेश हमालसंग मोड्लिङ गरेको गीत ‘लाने भए लैजाउ, ‘झुम्के बुलाकी’ लगायत अन्य गीतहरुमा स्वर दिएकी छिन् ।
