भाग्यमानी दया र सुरक्षा (६ तस्बिर)
अभिनेता दयाहाङ राई र अभिनेत्री सुरक्षा पन्त अभिनित फिल्म ‘के घर के डेरा’ दोश्रो साता चल्दैछ । दिपेन्द्र के.खनाल निर्देशित फिल्मले दोश्रो सातामा पनि व्यापारिक रुपमा पाइरहेको छ ।
‘के घर के डेरा’ बक्स अफिसमा चल्दा यस्को सिधा फाइदा अभिनेता दयाहाङ राईलाई पर्न गएको छ । कोरोनापछि प्रदर्शनमा आएका दयाका तीन वटा फिल्महरु लगातार हिट भएका छन् । ‘कबड्डी ४’, ‘दुई नम्बरी’ र ‘के घर के डेरा’ चल्दा दयाले हिट फिल्ममा ह्याट्रिक हानेका हुन् ।
उसो त कोरोनापछि अभिनेत्री सुरक्षा पन्त अभिनित ‘के घर के डेरा’ पहिलो पटक प्रदर्शनमा आएको हो । यसकारण यतिबेला सुरक्षाको फिल्मी करिअरमा पनि ‘के घर के डेरा’को व्यापारिक सफलताले खास अर्थ राख्दछ ।
कोरोना अघि सुरक्षा अभिनित ‘आमा’ प्रदर्शनमा आएको थियो । यो फिल्मबाट उनले राष्ट्रिय पुरस्कार समेत पाएकी थिइन् ।यिनै दुई भाग्यमानी अभिनेता दयाहाङ राई र अभिनेत्री सुरक्षा पन्तलाई ६ रमाइला तस्बिरहरुमा हेर्नुस् :
तस्बिर : उद्धव रसाईली
