‘लाखे’को भव्य तर भद्रगोल प्रिमियर (फोटो/भिडियो)
फिल्म ‘लाखे’को बुधबार जमलस्थित विश्वज्योति सिनेप्लेक्समा प्रिमियर गरियो । सिट संख्या भन्दा दोब्बर पाहुना आएपछि प्रिमियर शो भद्रगोल हुन गयो । दर्जन बढी आगन्तुक र सञ्चारकर्मी फिल्म नै नहेरी फर्किएका थिए भने केहीलाई कुर्सी थपेर हेर्ने व्यवस्था मिलाइयो ।
जे होस्, मल्टिस्टारर फिल्म ‘लाखे’को प्रिमियर भद्रगोलै भएपनि भव्य भने देखिएको थियो । प्रिमियरमा सौगात मल्ल, अर्पण थापा, प्रशान्त ताम्रकार, अनुप विक्रम शाही, आर्यन अधिकारी, बर्षा राउत, रोहित रुम्बा, सुशिल सिटौला लगायत फिल्म युनिट उपस्थित थिए ।
सम्राट बस्नेत निर्देशित एक्सन फिल्म ‘लाखे’ लाई प्रिमियर प्रशंसा मिल्यो । यही शुक्रबारबाट प्रदर्शनमा आउँदैछ । ‘लाखे’ प्रिमियरका केही झलक यी तस्बिरहरुमा हेर्नुस् :
तस्बिर : उद्धव रसाइली
