बेनिशालाई बाजा बजाएर आर्यनसँग बिहे गर्ने रहर !
नायक आर्यन सिग्देल र नायिका बेनिशा हमाल अभिनित ‘आउन राजा’ बोलको गीत सार्वजनिक गरिएको छ । एसडी योगीको सङ्गीत रहेको गीतमा गायिका दीक्षा जे थापा र संगीतकार योगीकै स्वर छ । शब्द रचना हर्क साउदको छ । भिडियो :
मौरी पिक्चर्सबाट सार्वजनिक गरिएको भिडियाको निर्देशन निकेश खड्काले गरेका छन् । भिडियोमा एक युवतीले बिहेको सपना बुन्दै एक युवकको कल्पना गरेको कथालाई प्रस्तुत गरिएको छ । हरी हुमागाईँले छायाङ्कन गरेको भिडियोको कोरियोग्राफी सुभम भुजेलले गरेका हुन् ।
चानस पुन मगरको भिएफएक्स रहेको भिडियोमा सम्पादन प्रविन श्रेष्ठले गरेका छन् । यस भिडियोको कार्यकारी निर्माता केदार भुषाल हुन् । आर्यन र बेनिशाले फिल्म ‘महसुश’मा अभिनय गरेका थिए ।
आर्यन अभिनित फिल्म ‘डिसेम्वर फल्स’ प्रदर्शनको पर्खाइमा छ भने बेनिशा अभिनित फिल्म ‘प्रेमगञ्ज’ प्रदर्शनमा आएको थियो ।
