‘दान्भी’ पोस्टर : मेशिनगन बोकेर आइन् पूजा शर्मा
नायिका पूजा शर्माको शिर्ष भूमिका रहेको फिल्म ‘दान्भी’को पहिलो झलक सार्वजनिक गरिएको छ । सार्वजनिक पोस्टरमा पूजाले मेसिनगन बोकेकी छिन् । लभस्टोरीमा फिल्ममा जमेकी पूजाको यो पहिलो एक्सन फिल्म हो ।
रुपेश तामाङ निर्देशित फिल्म दान्भी पूजासँगै नव नायक कुन्साङ बोम्जनको मुख्य भूमिका छ । फिल्ममा देव मगर, अनुप गडालको लगानी छ । पवन रानामगर कार्यकारी निर्माता रहेको फिल्ममा कमला लिम्बु, पन्च बहादुर तामाङ, श्रवणकुमार श्रेष्ठ सह-निर्माता हुन् । यो फिल्ममा संजोग रानाको संवाद, हरि लामा ‘घले’को छायांकन, बन्दे प्रसादको सम्पादन, अर्जुन पोखरेल, नागेश जोशी, केदार राज नेपालीको संगीत, कविराज गहतराज र राहुल बराइलीको कोरियोग्राफी, श्री श्रेष्ठको एक्सन छ ।
नवराज शर्मा मुख्य सहायक निर्देशक रहेको फिल्मका प्रोडक्शन हेड नेत्र बिष्ट हुन् । सत्यम रानाको भीएफक्स रहेको यो फिल्मले नेपाली फिल्म क्षेत्रमा एक्सनमा नयाँ शैली भित्राउने अपेक्षा गरिएको छ । निर्देशक रुपेश तामाङले पनि यो फिल्मको एक्सनलाई आफूहरुले नयाँ तहमा तयार पारेको बताएका छन् ।
यो फिल्मको टिजर केही हप्तामा नै सार्वजनिक गर्ने तयारी निर्माणपक्षको छ । फिल्मको प्रदर्शन मिति पनि टिजरसँगै सार्वजनिक गर्ने निर्माणपक्षले जानकारी दिएको छ ।
