रिलिज अगावै अनमोलको ‘फर्की फर्की’लाई निश्चलको प्रशंसा
फिल्म ‘फर्की फर्की’ यही बिहिबारबाट प्रदर्शनमा आउँदैछ । फिल्मको बुधबार प्रिमियरको तयारी छ । प्रिमियर नहुँदै अनमोल केसी स्टारर फिल्मले सकारात्मक प्रतिक्रिया पाउन सफल भएको छ । निर्देशक निश्चल बस्नेतले सुयोग गुरुङ निर्देशित फर्की फर्कीको प्रिमियरपुर्व नै प्रशंसा गरेका हुन् ।
“फर्की फर्की’ हेरियो । मज्जा आयो फिल्म हेरेर । रमाइलो टाइम लुप । सुयोग गुरुङ, कडा छ निर्देशन । नरेन्द्र मैनाली, सिनेम्याटोग्राफी बबाल छ । अनमोलको अहिलेसम्मकै उत्कृष्ट अभिनय । रोहित अधिकारी बोरा छ नि पैसा राख्नलाई,” सोमबार साँझ निश्चलले फेसबुकमा लेखेका छन्, निर्देशक बस्नेतले मंगलबार साँझ आफ्नो अफिसियल फेसबुकमा लेखेका छन् ।
फिल्ममा अभिनेता अनमोल केसी र अभिनेत्री जसिता गुरुङको मुख्य भूमिका छ । फिल्मको अग्रिम टिकट बुकिङ खुलिसकेको छ । ट्रेलर रिलिज भएसँगै फिल्म ‘फर्की फर्की’को प्रतिक्षा बढेको हो ।
