‘ह्रस्व दीर्घ’को नयाँ पोस्टरमा विपना र प्रदीप
नीता ढुंगाना निर्मित फिल्म ‘ह्रस्व दीर्घ’को नयाँ पोस्टर सार्वजनिक भएको छ । यसै साता सार्वजनिक फिल्मको पोस्टरमा साउथका लोकप्रिय अभिनेता प्रदीप रावत र अभिनेत्री विपना थापा फिचर्ड छन् ।
सार्वजनिक पोस्टरमा रावत सेतै फुलेको झुस्स दारीजुंगा र तिलचामले केसमा छन् । पोस्टरमा उनी धार्मिक गुरुजस्तै लाग्छन् । निर्माण पक्षले उनको भूमिकाबारे हालसम्म प्रष्ट पारेको छैन । रावतले सुटिङ गरिसकेका छन् । पोस्टरमा कालो वस्त्रतमा देखिएकी विपना थापा अचम्मित भावमा छिन् ।
अभिनेत्री नीता ढुंगाना र युवा ज्योतिष एवं अभिनेता हरिहर अधिकारीको जोडीले निर्माण गरेको फिल्म चन्द्र पन्तले निर्देशन गरेकमा छन् । सिनेमा दसैंको अवसर पारेर असोज ११ गतेदेखि प्रदर्शनमा आउने निर्माण पक्षले जनाएको छ । हरिहर अधिकारीको कथा, नीता ढुंगाना निर्माता रहेको सिनेमामा यी दुई स्वयं मुख्य भूमिकामा छन् । फिल्ममा नेपालीसँगै भारतीय चर्चित कलाकारको अभिनय छ ।
नीता र हरिहरसँगै विपना थापा, सरोज खनाल, गरिमा शर्मा, सञ्चिता लुइँटेल, बुद्धि तामाङ, किरण केसी, प्रशान्त ताम्राकार, रविन्द्र झालगायत नेपाली कलाकारले अभिनय छ । भारतीय कलाकार विजयसँगै ब्रह्मानन्दमको अभिनय छ । कबीर लालले फिल्मको छायांकन गरेका छन् ।
