आक्रमक ओपनिङ : अनमोलको फिल्म हेर्न फर्किए दर्शक
अभिनेता अनमोल केसीको फिल्म ‘फर्की फर्की’ हेर्न हलमा दर्शक फर्किएका छन् । बुद्धजयन्तीको अवसर पारेर बिहिबारबाट प्रदर्शनमा आएको फिल्म हेर्न दर्शकको बाक्लो उपस्थिति छ ।
वितरक गोविन्द शाहीले बिहीबार बिहानबाटै हलमा दर्शकको चाप देखिएको बताए । उनका अनुसार मध्यान्हपछि भने सिनेमा हेर्ने दर्शकको चाप हलमा उच्च देखिएको थियो । बेलुकीदेखि रातीसम्मका शोजहरुमा समेत बूकिङ अक्रामक देखिएको छ । जसले फिल्मको ओपनिङ आक्रामक भएको दाबी वितरक शाहीको छ ।
अभिनेता केसी अभिनेत्री जसिता गुरुङ नव-नायक रवि काफ्ले, निर्देशक सुयोग गुरुङ र निर्माता रोहित अधिकारीको युटिन बिहानी शोदेखि नै हलहरु पुगेर दर्शकसँग साक्षात्कार गरिरहेका छन् । दर्शकले फिल्म फर्की फर्कीको प्रशंसा गरेका छन् । फिल्मको कथावस्तु, मेकिङ, संवाद र कलाकारको अभिनयलाई दर्शकले रुचाएको पाइएको छ ।
अनमोल अभिनित ‘छड्के २’ र जसिताको ‘ज्याकी आइएम ट्वान्टी वन’ असफल भएको थियो । यद्पी ‘फर्की फर्की’प्रति दर्शकको प्रतिक्षा थियो, जस्को ओपनिङ आक्रमक रह्यो ।
फिल्म फर्की फर्कीले भोली शुक्रबार र पर्सी शनिबार पनि आक्रामक व्यापारलाई निरन्तरता दिने विश्वास निर्माण टिमको छ ।
