साम्राज्ञी र निश्चलको ‘लण्डन टु पेरिस’ प्रोमो रिलिज

यही जेठ २५ गतेबाट प्रदर्शनमा आउने फिल्म ‘लण्डन टु पेरिस’को ट्रेलर सार्वजनिक भएको छ । सार्वजनिक फिल्मको प्रोमोले नव नायक निश्चल खड्का र अभिनेत्री साम्राज्ञी आरएल शाहबिच प्रेम र बिछोडलाई प्रस्तुत गरेका छ । प्रोमो हेर्नुस् :

घनश्याम लामिछाने निर्देशित फिल्ममा साम्राज्ञी र निश्चल सँगै गरिमा शर्मा कविर खड्का, रुष्मा थापा, मनिश श्रेष्ठ र मनिष गान्धीको मुख्य भूमिका छ । निश्चल र गरिमाले यही फिल्मबाट डेब्यू गरेका हुन् ।

एबी इन्टरनेश्नलको प्रस्तुति रहेको फिल्ममा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ । अमित बस्नेतले निर्माण गरेको फिल्ममा आरोन बस्नेत, एरियाना बस्नेत तथा परी राना निर्माताका रुपमा रहेका छन् ।

सनिश खकुरेल र अजित केआर थापा फिल्मको सह-निर्माता हुन् भने अंकित गौतम, सुरज कुँवर र विजय भण्डारी यसका कार्यकारी निर्माता हुन् ।