महानायक राजेश हमालले यसरी मनाए ६० औं जन्मदिन
महानायक राजेश हमालले आइतबार आफ्नो ६० औं जन्मदिन मनाएका छन् । जन्मदिनको अवसरमा आइतबार बिहान राजेश र श्रीमती मधु भट्टराईले बूढानीलकण्ठ मन्दिरमा बालबालिकासहित पूजाआजा गरे ।
महानायकको जन्मदिनको अवसरमा सामाजिक सञ्जालबाट प्रशंसकले शुभकामना दिइरहेका छन् । पाल्पामा जन्मिएका हमालले मोडलिङ पृष्ठभूमिबाट फिल्म करिअरको थालनी गरेका हुन् । हमालले आफ्नो फिल्मी करिअरमा २३० भन्दा बढी फिल्महरुमा अभिनय गरेका छन् ।
‘युगदेखि युगसम्म’देखि अभिनय करिअर थालेका उनको पछिल्लो फिल्म ‘सीता’ हो । कूटनीतिज्ञ पिता चुडाबहादुर हमाल र आमा रेणुका छोरा राजेश हमालले ५० वर्षको उमेरमा विराटनगरकी मोडल मधु भट्टराईसँग विवाह गरेका थिए ।
राजेश हमाल पछिल्लो म्युजिक भिडियो, मेला महोत्सव, विदेश कन्सर्ट र नयाँ टक शो ‘यो नेपाली शिर उचाली’ मा व्यस्त छन् । राजेश हमाल नेपाली फिल्म क्षेत्रका सर्वाधिक चर्चित व्यक्तित्व हुन् ।
