‘लण्डन टु पेरिस’मा ‘नोटिस’ हुने निश्चलको काम
फिल्म ‘लण्डन टु पेरिस’बाट डेव्यु नायक निश्चल खड्काले प्रशंसा पाएका छन् । पहिलो फिल्ममै निश्चलले नोटिस हुने काम गरेको धेरैले प्रतिक्रिया दिएका हुन् ।
गत बिहिबार ‘लण्डन टु पेरिस’को प्रिमियर गरिएको थियो । प्रिमियर शोमा सहभागी अधिकांशले नव-नायक निश्चल खड्काको अभिनय र लुक्सको प्रशंसा गरे । आश्चर्यको कुरा त, लण्डनमा फिल्मको सुटिङ सुरु गरेकै दिन उनकी आमाको नेपालमा स्वर्गारोहण भएको थियो । सोही अवस्थामा निश्चलले फिल्मको छायाँकन गरेका थिए ।
जे होस्, नेपाली फिल्म क्षेत्रमा एक जना आशा लाग्दा नायकको आगमन भएको छ । तर, निश्चलको नयाँ फिल्मी यात्रा भने मेकर्समा निर्भर रहने अनुमान गरिएको छ ।