‘दयारानी’ पछि ‘पेनसनपट्टा’ निर्देशन गर्दै माओत्से गुरुङ
निर्देशक तथा कलाकार माओत्से गुरुङले नयाँ फिल्म निर्देशन गर्ने भएका छन् । गुरुङले निर्देशन गर्ने फिल्मको नामाकरण ‘पेनसनपट्टा’ तय गरिएको छ ।
फिल्म ‘गाउँ आएको बाटो’को प्रिमियरमा निर्देशक उपेन्द्र सुब्बासँग निर्देशक गुरुङ ।
‘दयारानी’ पश्चात् माओत्से गुरुङले नयाँ फिल्म पेनसनपट्टा निर्देशन गर्ने भएका हुन् । माओत्से गुरुङ फिल्म्सको ब्यानरमा बन्ने फिल्मको कथा पनि निर्देशक गुरुङले नै लेखेका छन् । माओत्से गुरुङ फिल्म्सको तर्फबाट डिबी गुरडिबी गुरुङले चाँडै नै कलाकारको नाम सार्वजनिक गर्ने जानकारी दिए ।
चरित्र अभिनेतामा रोजाइमा पर्ने कलाकार माओत्से पछिल्लो समय लेखन र निर्देशनमा समेत होमिएका हुन् । उनले गुरुङ भाषाका फिल्म पनि निर्देशन गर्दै आएका छन् ।माओत्से कलाकार, निर्देशकसँगै निर्माता पनि हुन् ।
