जापानमा अनमोलको ‘फर्की फर्की’प्रति दर्शकको क्रेज
फिल्म ’फर्की फर्की’ को आइतबार जापानमा रेड कार्पेट शो सम्पन्न भएको छ । राजधानी टोकियोमा आयोजित फिल्मको शोमा अभिनेता अनमोल केसी सहभागी भएका थिए ।
अनमोल सहभागी फर्की फर्की शोमो सयौं दर्शक सँगै नेपाली राजदुत समेत सहभागी भएका थिए । अनमोलले भरिभराउ हलमा विफी लिएका थिए । फिल्मका प्रदर्शक सुवास लामिछानेले नागोया, ओसाका लगायतका सहरमा हुने शोहरूमा अनमोल सहभागी हुने जनाएका छन् । जापान पश्चात् अनमोल र जसिता फर्की फर्की लिएर अन्य मुलुकमा जाने योजना छ ।
सुयोग गुरूङको लेखन एवं निर्देशन रहेको ’फर्की फर्की’ मा अनमोल र जसिता सहित रवी काफ्ले, समृद्धि अर्याल लगायत अन्य कलाकारहरूको अभिनय छ । रोहित अधिकारी र ओमप्रकाश अग्रवाल निर्मित फिल्म फर्की फर्की नेपालमा तेश्रो सातामा प्रदर्शनरत छ । फिल्मले नेपालबाट नाफा कमाउने निर्माताको अपेक्षा छ ।
