’लण्डन टु पेरिस’ मा क-कसलाई भयो हतार ? (गीत)
प्रदर्शनरत फिल्म ’लण्डन टु पेरिस’को नयाँ गीत ’हतारले’ सार्वजनिक भएको छ । सार्वजनिक गीतमा फिल्मका चार प्रमुख पात्रहरु फिचर्ड छन् । गीतमा सलिन मगरको शब्द, संगीत र स्वर रहेको छ । गीत :
घनश्याम लामिछाने निर्देशित फिल्मले ट्राभल लभस्टोरीको कथा पेस गर्छ । फिल्मको कथा, पटकथा र संवाद प्रदीप भारद्धाजले लेखेका हुन् । फिल्ममा साम्राज्ञी, निश्चल र गरिमाका अलवा कविर खड्का, रुष्मा थापा, मनिश श्रेष्ठ तथा मनिष गान्धीको प्रमुख अभिनय रहेको छ । निश्चल र गरिमाले यही सिनेमाबाट डेब्यू गरेका हुन् ।
एबी इन्टरनेश्नलको प्रस्तुति रहेको फिल्ममा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ । अमित बस्नेतले निर्माण गरेको फिल्ममा आरोन बस्नेत, एरियाना बस्नेत तथा परी राना निर्माताका रुपमा रहेका छन् । सनिश खकुरेल र अजित केआर थापा सिनेमाको सह–निर्माता हुन् भने अंकित गौतम, सुरज कुँवर र विजय भण्डारी यसका कार्यकारी निर्माता हुन् ।
फिल्म लण्डन टु पेरिसले दर्शकलाई हलमा आकर्षण गर्न भने असफल भयो । यद्पी यसै फिल्मबाट डेव्यु निश्चल खड्काको भने प्रशंसा भैरहेको छ । निश्चल सहित साम्राज्ञी, गरिमा, कविर लगायतले आफ्नो भूमिकालाई न्याय गरेका छन् ।
